Атырауда «Ұмтылыс» қоғамдық қорының жанынан алғаш рет «Ұя» деп аталатын аналар клубы ашылды. Мұндағы басты мақсат – мүмкіндігі шектеулі балаларды тәрбиелеп отырған аналарға жан-жақты қолдау көрсету, көмек беру, олардың бір-бірімен танысып, пікір алмасуларына мүмкіндік беру болып табылады. Клубқа мүгедек баласы бар кез-келген ата-ана мүше болуға құқығы бар. Олар мұнда психолог-заңгер және диетолог секілді мамандардың кеңестеріне жүгіне алады. Сондай-ақ, аналардың өз қалаулары бойынша йога мен би үйірмелеріне де қатысуларына болады. Айта кетейік, бұл қызметтің барлығы оларға тегін көрсетіледі.