«Довира» украин этномәдени бірлестігінің бишілері 25 қазан — Республика күніне орай концерт өткізді. 5 пен 14 жас аралығындағы балалар мерекелік іс-шараны «Менің Қазақстаным» деп атапты. «Тропикана», Top Dance, «Спиваночка» және т.б би топтары түрлі ұлттың және замануи билерді билеп, көптің көңілін көтеріп тастады. Олардың мерекелік концертке ерекше дайындалғаны көзге көрініп-ақ тұрды, өйткені би ұжымдарының сахналық қойылымы, образға сай киінуі, декорация — барлығы да бір-бірінен асып түсті.