Құрманғазылық балықшылар жылына 4000 тонна шамасында балық аулап, оны осындағы кооперативтер өздері өңдеуді қолға ала бастады. Өйткені, өңделген жергілікті балық өнімдеріне шетелдерден сұраныстың түсіп жатқан жайы бар. Қазір де балықшылар күзгі маусымды текке өткізбеуге тырысуда.
Бірақ, алға қойған жоспарды орындауға мұндағы материалдық-техникалық база мүмкіндік бермей тұр. Мысалы, сыйымдылығы 100 тонналық мына тоңазытқыштың бағасы 60 миллион теңгеге жуық. Ал коопертивке оның әлі төртеуі керек. Сондай-ақ, соңғы кездері өзендерде балық қорының азайып кетуіне байланысты балықшылар ашық теңізге шығуға мәжбүр. Оның да жарақты құрал-жабдықты қажет етіп тұрған жайы бар.