Атырауда алғаш рет билер кеңесі құрылды. Облыстық сотта өткен жиында кеңес төрағасы болып Ғаббас Хисметуллин сайланып, хатшылық қызмет Сәуле Байменоваға міндеттелді. Төрағалық ету мерзімі — бес жыл. Қоғамдық бірлестік ретінде өз жұмысын бастағалы отырған кеңес мүшелерінің жалпы саны 13 адамнан тұрады. Басты мақсат – азаматтық істерді қарап, мүмкіндігінше екі жақты татуластыру, билер соты институтын одан әрі жаңғырту.