Демалыс күндері тұрғындар мен қала қонақтары үшін Жайық өзеніндегі мұз айдынында қысқы спорт түрлерінен сайыс ұйымдастырылды. Қатысушылардың жас шамасына шектеу қойылмаған. Шара аясында отбасылық эстафета, бүлдіршіндер үшін сырғанақ ойыны және жасөспірімдер арасында хоккейден жарыс өткізілді. Қала тұрғындары өз кезегінде мұндай шаралардың, әсіресе жастар үшін пайдасы зор дейді.