Атырау, Caspian News.
Бұл – қаланың бас ұстазының әлеуметтік желі арқылы тараған үндеуі. Түлектер кешінен бас тартуға шақырған Атырау қалалық білім бөлімінің басшысы Фаруза Шангерееваның бастамасын кейбір мектептер лезде іліп алып, бір-біріне эстафета жолдап жатыр. Бұның біздің өңірде мәселе етіп көтерілуі бірінші рет емес. 2016 жылы облыс әкімі Нұрлан Ноғаев тойға бергісіз түлектер кештерін доғарып, қаржыны орынсыз шашуға шектеу қоюды тапсырған еді. Әйтсе де, тойдан тартынар түлектер көрінбейді.