Атырау, Caspian News.
Атырау облыстық перинаталдық орталығында қайтыс болған келіншектің сәбиі дін аман. Оны жақындары үйге шығарып алған. Қолдағы деректерге сүйенсек, кесарь тілігі айы-күні жеткен 24 жастағы әйелдің шаранасына қауіп төнуіне байланысты жасалған. Алайда, отадан кейін төрт сағат өткен соң, ананың жағдайы күрт нашарлап, көз жұмған. Айта кетейік, былтыр облыстық перинаталдық орталықта 1600-ден астам келіншек кесарь тілігі арқылы босанса, жыл басталғалы олардың саны 450-ге жетіпті.