Биылғы жылдың басынан бері Атырауға 60 мыңға жуық шетелдік келген. Оның ішінде жеті мыңнан астамы – алыс шетелдерден, ал қалғаны — ТМД елдерінің азаматтары, басым бөлігі — Өзбекстаннан. Бұл туралы Атырау облыстық Полиция Департаменті көші-қон қызметі басқармасының басшысы Болат Досқалиев мәлімдеді. Оның айтуынша, жарты жылдың ішінде шетелдіктер 30-дан астам қылмыс жасап үлгеріпті. Сондай-ақ, оларға қатысты 73 қылмыс тіркелген. Ал, 29 маусым күні Теңіз кен орнында болған оқиғадан кейін CCEP компаниясының жүздеген қызметкері ел аумағынан шығарылған.
previous post