Құзырлы органдар Атыраудағы түзету мекемелерінен бірқатар заң бұзушылық анықтады.
Жаза өтеу мекемелеріндегі қадағалауды күшейту нәтижесінде темір тордың ар жағында отырғандардан 80-нен астам ұялы телефон тәркіленген. Атырау облысы прокуратурасы баспасөз қызметінің мәліметінше, түрмеге есірткі кіргізуге ниеттілер де бар көрінеді. Мұндай екі факт анықталған. Соның бірі — түрмедегі жасақ бастығына қатысты. Ол қызметін асыра пайдаланып, жазасын өтеушілерді марихуанамен жарылқамақшы болған.