«Жақсының аты, ғалымның хаты өлмейді». Айтыскер ақын, жырау Мұрат Мөңкеұлының туғанына 175 жыл толуына орай ұйымдастырылған шаралар легі Халел Досмұхамедов атындағы Атырау мемлекеттік университетінде жалғасын тапты. Конференцияға облысымызға белгілі әдебиетшілерден өзге Астана, Алматы қалаларынан келген зерттеуші-ғалымдар да қатысты. «Ақынның шығармаларынан оның еркін, азат өмірді аңсағанын, елін-жерін құрметтеуге-сақтауға шақырғанын байқауға болады. Сондықтан бұл тақырып – әлі күнге дейін өзектілігін жойған жоқ», — дейді конференцияға қатысушылар.