Жетім асырап алмақшы жандарға көмек көрсету. Облыстық білім басқармасы мен «Жас қоғам» қоры болашақта жетім бала асырап алғысы келетін ата-аналар мен жайсыз отбасылар үшін психологиялық-құқықтық көмек тақырында семинар-тренинг өткізді. Ұйымдастырушылардың айтуынша, соңғы жылдары ата-ана қамқорлығысыз қалған балаларды ақылы патронаттық тәрбиеге алғысы келетіндердің саны артып келеді. Бірақ, мамандардың айтуынша, мұндай қадамға кез-келген адам психологиялық тұрғыдан дайын бола бермейді. Сол себепті оларды алдын ала дайындықтан өткізіп алған жөн. Шараға жиналған әлеуметтік педагогтар мен психологтар осы бағытта жасалатын жұмыстарды талқылап, ата-аналарға жетім балаларды тәрбиелеудегі ерекшеліктер бойынша дәріс оқып, өзара пікір алмасты.