«Иманғали» орталық мешітінде жастар арасында діни кітаптар оқудан жарыс басталды. Бір айға созылатын бұл білім жарысы үш бөлімнен тұрады. Қатысушылар бірінші кезеңде «Иман негіздері» кітабы, ал екінші кезеңде намаз және дәрет талаптары бойынша сынақ тапсырады. Үшінші бөлімде Құранның оқылу ережелерін сақтай отырып, «Шамс» сүресінен «Нас» сүресіне дейін жатқа айту талап етіледі. Жақсы нәтиже көрсеткен жүлдегерлер жарыс соңында ақшалай сыйлықтармен марапатталмақ. Ал ең жоғары ұпай жинаған жеңімпаз кіжі Қажылыққа жолдама алады. Одан өзге ерекше көзге түскен қатысушыларға ынталандыру сыйлықтары да тағайындалған.
previous post
next post