Атырауда 1000-ға жуық студентке жатақхана жетіспейді.
Өңірдегі 3 жоғары және 25 орта кәсіптік бағдар беретін оқу орындарында 30 мыңнан астам студент бар. Оларды жатын орынмен қамту мәселесі әлі де болса өзекті. Осыған орай Атырау обыстық құрылыс басқармасының тапсырысымен 3 колледжде жатақхана салынуда. Атырау политехникалық колледжінің іргесі 1930 жылы қаланған. Тоқсан жыл бойына маман дайындап келе жатқан білім ордасының шәкірттері осыған дейін жатын орынның мәселесін өздері шешіп, бірі туған туысты сағаласа, енді бірі жалға пәтер іздейтін. Енді ауылдан арман қуып келген жастар су жаңа жатақханада тұрақтайтын болады.