Атырауда өтіп жатқан Мұрат Мөңкеұлының 175 жылдығына арналған халықаралық айтыс аяқталды. Екі күн бойы өткен өнер додасының ақтық сынына суырылып шыққан 10 ақын Қазақстанның ғана емес, атыраулықтарды алаңдатқан өзекті деген – жол, ауыз су, қаланы жайлаған жағымсыз иіс секілді мәселелерді де айтысқа арқау қылды. Әдемі әзіл мен өткір қалжыңға құрылған сайыс нәтижесі бойынша 3-ші орынды атыраулық Өнербек Дәулекенов, Моңғолиядан келген Серік Қуанған, павлодарлық Аспанбек Шұғатаев бөліссе, екінші орынды семейлік Әсем Ережеқызы мен қызылордалық Мұхтар Ниязов , ал бірінші орынды семейлік Рүстем Қайыртаев иеленді. Ал, айтыстың бас жүлдесі мен 2 миллион теңге сыйақыны оралдық ақын қыз Жансая Мусина жеңіп алды.