Атырау, Caspian News.
Бүгін Ұлыстың Ұлы күні наурыз мерекесіне орай, Атыраудың 12 алаңында мерекелік шаралар ұйымдастырылуда. Солардың бастысы дәл осы Сұлтан Бейбарыс алаңындағы «Қош келдің, әз-Наурыз» думаны.
Бұл жерге мемлекеттік мекемелер мен түрлі компания ұжымдары 22 киіз үй тігіп, тұрғындарға Наурыз көже ұсынып, мерекелік дастарханнан дәм таттырды. Көтеріңкі көңіл күйдегі қалалықтарды облыс әкімі Нұрлан Ноғаев құттықтап, игі тілегін арнады.