Атырауда Қаршыға Ахмедияровтың ескерткіші ашылды. Қазақстанның халық әртісі, белгілі домбырашыға арналған тас мүсін қаладағы «Қазақстан» қонақ үйінің алдына орнатылды. Ескерткіштің авторы — ҚР Мәдениет қайраткері Едіге Рахмадиев. Тас мүсіннің биіктігі үш жарым метр, ал ондағы барлық жазбалар латын қарпінде басылған.
Сондай-ақ, салтанатты шарадан кейін Нұрмұхан Жантурин атындағы облыстық филармонияда сазгердің шығармашылығына арналған концерт ұйымдастырылды. Айта кетейік, Қаршыға Ахмедияров белгілі күйшілердің шығармаларын шебер орындаушы ғана емес, өзі де 60-тан астам күйдің авторы.
previous post
next post