Енді атаулы әлеуметтік көмекті бір рет қана құжат тапсырып алуға болады. Яғни, қолданысқа енген өзгеріс бойынша, төлемнің үш түрі біріктіріліп отыр. Атап айтсақ, атаулы әлеуметтік көмек, 18 жасқа дейінгі балаларға және 4 және одан да көп балалы отбасыларға берілетін жәрдемақы. Атаулы әлеуметтік көмек елімізде белгіленген кедейлік шегінен төмен тұратын отбасыларға тағайындалады. Яғни, отбасының жан басына шаққандағы кірісі республикалық бюджетпен бекітілген күнкөріс деңгейінің 50 пайызынан аспаған жағдайда ортадағы айырма ретінде төленеді. Қазақстандағы ең төменгі күнкөріс деңгейі 29 698 теңге болса, оның 50 пайызы 14 849 теңгені құрайды. Сонымен қатар, атаулы әлеуметтік көмек шартты және шартсыз түрде бекітіледі.
previous post
next post