Балабақша өртке оранды. Оқиға кеше кешкілік «Геолог» селолық округінде болды. Тілсіз жаудың салдарынан жалпы аумағы 220 шаршы метрлік екі қатарлы ғимараттың төбе жабындысы толықтай жанып, екінші қабаты бүлінген. Жалын 100 шаршы метр жерді күлге айналдырыпты. Абырой болғанда, зардап шеккендер жоқ. Өртті сөндіруге үш қызметтік, бір қосымша автокөлік және жеке құрамның 18 қызметкері жұмылдырылған көрінеді.