Өткен жылы қала аумағындағы көшелер мен қалаға қарасты елдімекендерге жол төсеу жұмыстары қарқын алған болатын. Нәтижесінде 270-ке жуық көшеге жалпы ұзындығы 200 шақырымнан асатын жол салынды. Асфальт төсеу, көшелерді кеңейту, жарықтандыру секілді жұмыстар биыл да жалғаспақ. Атырау қалалық тұрғын үй-коммуналдық шаруашылығы қызметкерлерінің сөзіне сенсек, облыс орталығындағы жол кептелістерін азайту мақсатында үстіміздегі жылы тағы да 11 көшені жаңартылатын көрінеді.