Жаңа оқу жылы басталғалы төрт ай өтсе де, Хиуаз Доспанова атындағы № 18-ші мектептің бастауыш сынып оқушылары, сабақ кестесіне әлі үйрене алмай жүр. Өйткені, мұнда сабақ уақыты мен оқу кестесі жиі ауысады. «Бұл балалардың оқу үлгеріміне кері әсерін тигізеді» дейді олар.
Мұның тағы бір басты себебі – екі мектеп оқушыларының уақытша болса да, қосылып оқытылуы деп есептейді ата-аналар. Себебі, апатты деп танылған Мағжан Жұмабаев атындағы білім ордасының оқушылары осында оқытылуда. Орын алған келіспеушілікке байланысты әуелгі кезде мән-жайды түсіндіруден бас тартқан басшылық аз-кем уақыттан соң ақылға келгендей болды.