Атыраудағы 157/1 тергеу абақтысы бастығының орынбасары міндетін атқарушы азамат «жүйелі түрде пара алды» деген күдікпен ұсталды. ҚР Мемлекеттік қызмет істері және жемқорлыққа қарсы іс-қимыл агенттігі таратқан ақпарат бойынша, әділет капитаны жалпы көлемі 678 мың теңге пара алған. Сотталушылардың бірі бұл қаражатты тума-туыстарымен жиірек кездесіп, тамақты кедергісіз ішке өткізу және өзге түзету мекемесіне жібермес үшін беріп отырған көрінеді. Қазір лауазымды тұлғаға қатысты сотқа дейінгі тергеп-тексеру амалдары жүргізілуде.
previous post
next post