Атырау, Caspian News. Сарыөзектен өлі балықтар табылды.
Су маржандары туберкулезге қарсы аурухана маңында күні кеше жарылған кәріздік коллектордың тұсында жатыр. Мұның бүгін түнде болған апатпен байланысы бар ма, жоқ па, әзірге белгісіз. Оқиға орнына келген экологтар әзірге бұл жерді суретке түсірумен ғана шектелді. Ал, зерттеу жұмыстарына енді кіріспек.
Айта кетейік, жергілікті тұрғындардың айтуынша, канализациялық коллектордағы апат кеше түс әлетінде болған. Бірақ, «Атырау облысы Су арнасы» мекемесінің қызметкерлері тек түн жарымында келіп, тиісті жұмыстарына кіріскен.