Назарбаев зияткерлік мектебінде жоғары сынып оқушылары мен түлектердің бас қосуы өтті. Ұйымдастырушылардың айтуынша, «Zhastar times» деген атаумен өткен форумға республика мен шетелдің жетекші университеттерінде кәсіби білім алып жатқан студенттер арнайы шақыртылған.
300-ге жуық жастың басын қосқан шарада мектеп түлектері кәсіби білім алу бойынша өз тәжірибелерімен бөлісті. Ал белгілі себептерге байланысты форумға қатыса алмағандар өздерінің бейнесәлемдемелерін жолдады. «Бұл – алғаш рет ұйымдастырылып отырған шара. Алдағы уақытта да жалғасын табады» дейді оқу ордасының қызметкерлері.