Атырау, Caspian News.
«Дренаж каналын құрту керек. Ондағы сасық су мен жиналып қалған қалдықтан тыныс алу мүмкін емес! » Бұл — Сарықамыс, Өркен ықшам ауданы тұрғындарының жан айқайы. Олар осыдан 20 жылдай уақыт бұрын қаланың батыс бөлігінен салынған «Ерік-Мостовой» каналының өз міндетін атқармай тұрғанына наразы. Кезінде әкімқаралар бұл жерде тіпті демалыс орны болады деп уәдені үйіп-төккен. Бірақ, қазіргі жағдайы мынау. Айналасын қамыс жайлап, қоқыс тастайтын жерге айналған.