Облыс әкімі Нұрлан Ноғаев іссапармен Мақат ауданына барды. Ол әуелі «Нұр Отан» партиясының аудандық филиалында тұрғындармен кездесіп, олардың талап-тілектеріне құлақ түрді. Келушілердің бірі — Тілектес Мәженованың баласына даун синдромы диагнозы қойылған. Ол өздерінің жұмысбасты болуына байланысты, оңтайландыру орталығының уақытын кешкі төрттен сегізге дейін ұзартуды өтінді. Қазіргі уақытта ауданда осындай 20-дан астам орталық бар көрінеді.