Атырау, Caspian News.
Өткен қыс жергілікті балықшылар үшін қолайлы бола қоймады. Өйткені өзендегісі керек пе, арнайы тоғандағысы керек пе, су маржандарының жаппай қырылу дерегі орын алды. Оның себебі әлі күнге дейін белгісіз. Дегенмен, көктемгі балық аулау науқаны ашылғалы бері әуесқой балықшылар Жайықты қайта жағалап, қармақ салуда. Айтуларынша, өзен жағасы мен су беті қыста өлген балық өлекселерінен тазаланған соң, біраз жақсарып қалған. Балық та баршылық, — дейді олар.