Атырау, Caspian News.
Жылыой ауданында соңғы 5 жыл ішінде 10-ға жуық адам оққа ұшқан. Ел аман, жұрт тынышта қыршынынан қиылып жатқан жастар туралы Атырау облыстық полиция департаментінің бастығы Аян Дүйсембаев айтты. Оған сенсек, болашақ ұрпақтың бір-біріне бұлайша қатыгездік танытуына – тәрбиенің кемшін болуы себеп. Сондықтан ол, аудандағы үкіметтік емес ұйымдар мен қоғам белсенділеріне бұл бағыттағы жұмыстарды ата-аналармен біріге отырып жүзеге асыру керектігін айтты. Бірақ, оның қалайша жүргізілуі туралы толыққанды ақпаратпен бөліспесе де, бастысы – тәлім-тәрбие беру полицияның міндеті еместігін ашып айтты.